नेपालको मानचित्रमा कंचनपुर जिल्ला देशको पश्चिमी सीमानामा अवस्थित  तरार्इंको जिल्ला हो ।भारतिय सिमानासंग जोडिएको महाकाली अञ्चलमापर्ने यो जिल्ला बार्इसे चौबिसे राज्य रहेको बखत डोटी राज्यको सिमा क्षेत्रमा पर्दथ्यो । ऐतिहासिक पृष्टभूमि हेर्दा नेपाल र तत्कालिन र्इष्ट इंडिया कम्पनि बिच सन् १८१६ मा सुगौली सन्धिबाट कालीपारी पश्चिमको सम्पूर्ण भू-भाग ब्रिटिश इन्डियामा गाभिएको पाइन्छ। सन् १८६० को प्रत्यावर्तन सन्धि भएपछि मात्र यो क्षेत्र अर्थात कैलाली, कंचनपुर, बांके र बर्दियासम्मको नयां मुलुकको रूपमा नेपालमा अवद्द भएको पार्इन्छ । त्यस उपरान्त छुट्टै जिल्लाको रूपमा अस्तित्वमा आएको यस जिल्लाको सदरमुकाम  साबिक श्रीपुर गा.बि.स. को बेलौरी बजारमा रहेको र सोही बजारको कंचनपुर नामक गांउबाट जिल्लाको नामाकरण हुन गएको हो भन्ने केही इतिहासविदहरूको भनार्इ रहेको छ । बि.सं २०१९ सालपछि यसको सदरमुकाम महेन्द्रनगर सरेको देखिन्छ । साबिक सुदुरपश्चिमाञ्चल बिकासक्षेत्रमा पर्ने यो जिल्ला मौजुदा नेपालको संबिधान अनुसारको राज्य पुनर्संरचनामा सुदूरपश्चिम प्रदेश अन्तर्गत पर्दछ